నందమూరి బాలకృష్ణ డైరెక్టర్‌ క్రిష్ కాంబినేషన్ లో తెరకెక్కుతున్న చిత్రం 'గౌతమీపుత్ర శాతకర్ణి'. భారీ బడ్జెట్ తో తెరకెక్కుతున్న ఈ చిత్రంలో హేమమాలిని, శ్రేయ ప్రధాన పాత్రలు పోషిస్తున్నారు. ఇక ఈ సినిమాలో కన్నడ స్టార్ హీరో శివరాజ్ కుమార్ బాలకృష్ణ మనవడి పాత్ర పోషించనున్నట్టుగా వార్తలు వస్తున్నాయి. తన తాతను గురించి తెలుసుకోవడానికి ఆ పాత్ర చేసిన ప్రయత్నం నేపథ్యంలోనే శాతకర్ణి కథ తెరపైకి వస్తుందని చెప్పుకుంటున్నారు. ఈ సినిమా గ్రాఫిక్స్ విషయంపై బాలకృష్ణ మరింత శ్రద్ద పెడుతున్నాడని అంటున్నారు. ముంబైకి చెందిన ఓ కంపెనీకి శాతకర్ణి మూవీ గ్రాఫిక్స్‌ని అప్పగించారట. ఈ కంపెనీ టెక్నీషియన్స్ మొదటి నుంచీ శాతకర్ణి షూటింగ్‌ ఎక్కడ జరిగినా అక్కడికి వెళుతున్నారట.