కమేడియన్‌ సప్తగిరి హీరోగా నటిస్తున్న చిత్రం 'సప్తగిరి ఎక్స్‌ప్రెస్‌'. త్రివిక్రమ్‌ శిష్యుడు అరుణ్‌ పావర్‌ దర్శకత్వం వహిస్తున్నారు. శ్రీసాయి సెల్యూలాయిడ్‌ సినిమాటిక్‌ క్రియేషన్స్‌ పతాకంపై డాక్టర్‌ రవికిరణ్‌ ఈ చిత్రాన్ని నిర్మిస్తున్నారు. డిసెంబర్‌ నెలాఖరున ప్రేక్షకుల ముందుకువస్తున్న ఈ చిత్రం సెన్సార్‌ కార్యక్రమాలు పూర్తిచేశారు.'యు/ ఏ' సర్టిఫికెట్‌ లభించింది. ఈ చిత్రం ద్వారా విజయ్‌ బుల్గానిన్‌ సంగీత దర్శకునిగా పరిచయం అవుతున్నారు. ఇప్పటికే పాటలను, ట్రైలర్స్‌ విడుదల చేయగా వాటికి మంచి స్పందన లభిస్తోందని నిర్మాత తెలిపారు.