అబుధాబి: చెక్కుతో ఒకటో నెంబర్ ప్లేట్  దక్కించుకున్న వ్యక్తికి అది కాస్త బౌన్స్ కావడంతో చిక్కుల్లో పడ్డాడు. ఫాన్సీ నెంబర్ కోసం పలువురితో పోటీ పడి తుదకు 31 మిలియన్ డి హెచ్ మొత్తాన్ని వేలం పాటలో పాడి ఆ మొత్తాన్ని చెక్కు రూపంలో ఇచ్చి ఒకటో నెంబర్ ప్లేట్ ను ఎగరేసుకుపోయిన ఒక ఎమిరేట్ వ్యాపారవేత్త పై ఇపుడు చెల్లని చెక్కు ఇచ్చిన నేరంపై కేసు నమోదైంది. ఈ నెల నవంబర్ 19 వ తేదీన అబూధాబీ లో జరిగిన కారు నెంబర్ ప్లేట్ వేలంలో 1 వ నెంబర్ ఫాన్సీ ప్లేట్ ను దక్కించుకున్న వ్యక్తికి  పబ్లిక్ ప్రాసిక్యూషన్ ఏడు రోజుల కస్టడీకి పంపింది. వ్యాపారవేత్త అయిన ఎ.ఎ.ఎం  ఫాన్సీ సంఖ్య ప్లేట్ వేలం కోసం తన ఖాతాలో తగినంత డబ్బు లేకపోయినప్పటికీ  ఆవేశంతో చెక్ రాసిన తర్వాత ఆ ఖాతాలో డబ్బు లేకపోవడంతో ఆ వ్యక్తిపై మోసం చేసినట్లు  అభియోగాలు మోపబడ్డాయని ప్రాసిక్యూషన్ ఒక ప్రకటనలో తెలిపింది.