నోట్ల రద్దుపై భారత ప్రభుత్వం తీసుకున్న నిర్ణయంతో బ్లూ కాలర్‌ ఇండియన్‌ వర్కర్లు తీవ్ర ఇబ్బందుల్ని ఎదుర్కొంటున్నారు స్వదేశానికి డబ్బులు పంపించడానికి. వెస్టర్న్‌ యూనియన్‌ ద్వారా మనీ ట్రాన్స్‌ఫర్‌ చేసినా, ఇండియాలో దాన్ని రిసీవ్‌ చేసుకోవడంలో తన కుటుంబ సభ్యులు తీవ్రంగా ఇబ్బంది పడుతున్నట్లు మొహమ్మద్‌ నబీల్‌ అనే కార్మికుడు ఆవేదన వెలిబుచ్చాడు. తమ కుటుంబాలు ఆర్థికంగా ఇబ్బందులు ఎదుర్కొంటున్నాయనీ, డబ్బులు తాము పంపినా వారు తీసుకోలేకపోతున్నారని కరీముద్దీన్‌ హుడా మరియు సమీర్‌ తదితరులు చెప్పారు. వడ్డీకి అప్పులిచ్చేవారి ద్వారా తమ కుటుంబాల్ని ఆదుకోవాల్సి వస్తోందనీ, తద్వారా వడ్డీ మొత్తాన్ని నష్టపోవాల్సి వస్తుందని ఖతార్‌లో పలువురు కార్మికులు చెప్పారు.వైట్‌ కాలర్‌ వర్కర్స్‌ మాత్రం ఆన్‌లైన్‌ లావాదేవీలు తేలిగ్గా కొనసాగించగలుగుతున్నారు. వారికి పెద్దగా సమస్యలు ఏమీ కనిపించడంలేదు.