తమిళనాడు మాజీ ముఖ్యమంత్రి, దివంగత నాయకురాలు జయలలితకు తమిళ భాషతో పాటు తెలుగు భాషంటే మమకారం ఎక్కువ. పలు తెలుగు సినిమాల్లో హీరోయిన్ గా నటించిన జయలలిత విలేకరుల సమావేశాల్లో ఎవరైనా తెలుగులో ప్రశ్నలు వేస్తే తెలుగులోనే సమాధానాలిచ్చి అందర్నీ ఆశ్చర్యంలో ముంచెత్తారు. తమిళనాడులోని హోసూరు ఎమ్మెల్యే గోపి శాసనసభలో తెలుగు ప్రజల గురించి మాట్లాడితే సీఎం జయలలిత కూడా తెలుగు భాషలోనే సమాధానమిచ్చారు. తమిళంతోపాటు అన్ని భాషలను కాపాడతామని జయలలిత శాసనసభలో స్పష్టం చేశారు.