కృష్ణ చైతన్య హీరోగా రవికిరణ్‌ దర్శకత్వంలో ఓ చిత్రం తెరకెక్కుతోంది. ఈ చిత్రం ప్రారంభోత్సవ కార్యక్రమాన్ని ఇవాళ అన్నపూర్ణ స్టూడియోలో నిర్వహించారు. నటుడు భానుచందర్‌ సన్నివేశానికి క్లాప్‌ కొట్టారు. తలారి శ్రీనివాస్‌ సంగీతం సమకూరుస్తున్న ఈ చిత్రాన్ని శ్రీ లక్ష్మీ నరసింహ ఎంటర్‌టైన్‌మెంట్‌ పతాకంపై కె.యల్‌.యన్‌. ప్రసాద్‌ నిర్మిస్తున్నారు. భానుచందర్‌, భానుప్రియ, నాజర్‌, తాగుబోతు రమేష్‌, తనికెళ్ల భరణి తదితరులు ఈ చిత్రంలో ప్రధాన పాత్రలు పోషిస్తున్నారు.