హైపర్‌ లూప్‌ అందుబాటులోకి వస్తే అబుదాబీ నుంచి అల్‌ అయిన్‌కి ప్రయానం కేవలం 8 నిమిషాలు మాత్రమే ఉండబోతోంది. భవిష్యత్తులో ప్రపంచ వ్యాప్తంగా అత్యంత వేగవంతమైన ఈ హైపర్‌ లూప్‌ ప్రయానం పట్ల పలు దేశాలు ప్రత్యేకమైన దృష్టిపెట్టనున్నాయి. ఇప్పటికే కొన్ని దేశాలు హైపర్‌లూప్‌ పట్ల ఆసక్తి చూపుతున్నాయి. డిపార్ట్‌మెంట్‌ ఆఫ్‌ మునిసిపల్‌ ఎఫైర్స్‌ అండ్‌ ట్రాన్స్‌పోర్ట్‌, హైపర్‌లూప్‌ ట్రాన్స్‌పోర్టేషన్‌ టెక్నాలజీస్‌తో కలిసి ఫీజబులిటీ స్టడీపై ఒప్పందం కుదుర్చుకున్నాయి. అబుదాబీ అల్‌ అయిన్‌లను హైపర్‌లూప్‌ ద్వారా కనెక్ట్‌ చేయడం ఈ ఫీజబులిటీ అధ్యయనం తాలూకు ఉద్దేశ్యం. 33కి పైగా దేశాల్లో హైపర్‌లూప్‌ టెక్నాలజీపై పేటెంట్‌ని కలిగి ఉంది హైపర్‌లూప్‌టిటి సంస్థ. భారీ అయస్కాంత క్షేత్రాల ద్వారా ఈ హైపర్‌ లూప్‌ పనిచేస్తుంది. అత్యంత వేగంగా హైపర్‌లూప్‌ ప్రయాణీకుల్ని అత్యంత సమర్థవంతంగా, భద్రతతో గమ్యస్థానాల్ని చేర్చుతుంది. ఒప్పందం ప్రకారం జరిగేస్టడీలో ఏయే ప్రాంతాల మీదుగా హైపర్‌ లూప్‌ నిర్మించాలి? స్టేషన్లు ఎన్ని ఉండాలి? ఎంత ఖర్చవుతుంది? ట్రాక్‌ల నిర్మాణం ఎలా? వంటివన్నీ అధ్యయనం చేస్తారు. విమాన వేగంతో హైపర్‌లూప్‌ ప్రయాణీకులకు అందుబాటులోకి వస్తుంది.