హైదరాబాద్‌: కథానాయిక, అక్కినేని వారికి కాబోయే కోడలు సమంత ఆనందంతో చిందులేస్తోంది. చాలా కాలంగా ప్రేమలో ఉన్న సమంత, నాగచైతన్యల నిశ్చితార్థ వేడుక ఆదివారం ఘనంగా నిర్వహిస్తున్నారు. అయితే సమంత కొన్ని గంటల ముందు ఇన్‌స్టాగ్రామ్‌లో ఓ వీడియోను షేర్‌ చేశారు. 'ఆ సమయంలో నా మూడ్‌' అని రాస్తూ.. సంతోషంతో డ్యాన్స్‌ చేస్తున్నట్లు వీడియోను షేర్‌ చేశారు. ఈ వీడియోను చూసిన అభిమానులు ఆమెకు శుభాకాంక్షలు చెప్పారు. చిన్న పిల్లలా డ్యాన్స్‌ చేస్తున్నావ్‌, నిన్ను అంత ఆనందంగా చూడటం హ్యాపీగా ఉంది, నువ్వు, చైతూ చక్కటి జంట.. అని తెగ కామెంట్స్‌ చేశారు. .