సౌదీ అరేబియాలోని ఈశాన్య ప్రాంతంలో మహబూబ్ నగర్ జిల్లా నర్వ మండలానికి చెందిన చవాన్ చిన్నరాజు అనే భవన నిర్మాణ కార్మికుడు తాను పనిచేస్తున్న 8వ అంతస్థు నుండి ప్రమాదవశాత్తు క్రిందకు పడి మరణించాడు. మృతుడు సంవత్సరం క్రితం గల్ఫ్ కు వచ్చాడు, పోలీసులు మృతదేహాన్ని ఆసుపత్రికు తరలించి కేసును దర్యాప్తు చేస్తున్నారు. ఇంకా అధికారిక లాంచనాలు పూర్తి కాలేదు.

మృతుని బంధువులు మాగల్ఫ్ ని సహాయం కోసం కోరారు. మాగల్ఫ్ అధినేత శ్రీకాంత్ చిత్తర్వు వెంటనే స్పందించి తగిన చర్యలు చేపట్టారు. మృతుని మిత్రులందరూ కూడ మృతదేహాన్ని సాధ్యమైనంత త్వరగా స్వదేశానికి పంపించడానికి ప్రయత్నిస్తున్నారు. విషయం తెలుసుకున్న చిన్నరాజు కుటుంబ సభ్యులు దు:ఖసముద్రంలో మునిగిపోయారు.