టాలీవుడ్ హీరో రానా దగ్గుబాటి తాజా చిత్రం 'ఘాజీ'కి మెగాస్టార్ చిరంజీవి వాయిస్ ఓవర్ ఇచ్చి ఈ చిత్రంపై భారీగా అంచనాలు పెంచాడు. ఈ మూవీ ప్లాట్‌ని నేరేట్ చేస్తూ చిరు ఇచ్చిన ఈ వాయిస్ ఓవర్‌తో కూడిన టీజర్‌ను మేకర్స్ రిలీజ్ చేశారు. సోషల్ నెట్ వర్కింగ్ సైట్స్‌లో అప్పుడే ఇది సంచలనం సృష్టిస్తోంది.
భారత-పాకిస్తాన్ యుద్ధ సమయంలో విశాఖ సముద్ర తీరంలో రహస్యంగా జరిగిన యుద్ధ కుట్రను 'ఘాజీ' చిత్రంలో ప్రతిబింబించాడు దర్శకుడు సంకల్ప్. ఈ నెల 17న ఈ సినిమా విడుదల అవుతోంది. ఈ మూవీ ప్రమోషన్‌లో భాగంగా ఇలాంటి టీజర్లు మరిన్ని రిలీజ్ అయ్యే అవకాశం ఉంది.