తమకు న్యాయం చేయాలంటూ ఆంధ్ర, తెలంగాణ ప్రభుత్వాల్ని అభ్యర్థిస్తున్నారు న్యూజిలాండ్ లోని తెలుగు విద్యార్థులు. డాక్కుమెంట్ల పేరుతో తమను అర్థాంతరంగా న్యూజిలాండ్ గవర్నమెంట్ పంపించేయాలని చూస్తోందని, తమకు సాయం చేయాలని తెలుగురాష్ట్రాల ముఖ్యమంత్రుల్ని కోరుతున్నారు. చేయని నేరానికి తాము శిక్ష అనుభవిస్తున్నామని వాపోతున్నారు. తమ బాధల్ని వీడియో రూపంలో తీసుకొచ్చి సోషల్ మీడియాలో పోస్ట్ చేశారు. ఈ వీడియోలు ఇప్పుడు నెట్టింట్లో హల్ చల్ చేస్తున్నాయి. ఇరు తెలుగుప్రభుత్వాలు న్యూజిలాండ్ లోని తెలుగు ప్రజలకు న్యాయం చేయాలని నెటిజన్లు కామెంట్లు పెడుతున్నారు.