గూగుల్‌ టూల్‌ తయారీ
పారిస్‌, ఫిబ్రవరి 25: న్యూస్‌ వెబ్‌సైట్లు, సోషల్‌ మీడియా పేజీలలో వచ్చే వార్తలపై ఇష్టానుసారం కామెంట్లు చేసేవారికి ఇక చెక్‌ పడనుంది. ఇటువంటి వారిని నియంత్రించేందుకు గూగుల్‌ కృత్రిమ మేధ(ఏఐ)తో కూడిన టూల్‌ను రూపొందించింది. సైట్లలో పోస్ట్‌ అయిన అంశాలపై సమర్థిస్తూ, వ్యతిరేకిస్తూ చర్చలు జరగుతుంటాయి. ఈ సమయంలో కొందరు శృతిమించి అసభ్యకరంగా, అవతలివారిని కించపరిచేలా కామెంట్లు చేస్తుంటారు. ఇది ఆయా సైట్లకు, వినియోగదారులకు ఇబ్బందికరంగా మారుతోంది. దీంతో వీటిని ఫిల్టర్‌ చేసేందుకు వీలుగా 'పర్‌స్పెక్టివ్‌' అనే టూల్‌ను ఉచితంగా అందించనున్నట్లు గూగుల్‌కు చెందిన జిగ్‌సా టెక్నాలజీ ఇంక్యూబేటర్‌ ప్రెసిడెంట్‌ జారెడ్‌ కోహెన్‌ తెలిపారు.
గత సెప్టెంబరు నుంచే దీనిని 'ది న్యూయార్క్‌ టైమ్స్‌' వెబ్‌సైట్‌కు అనుసంధానించి ప్రయోగాత్మకంగా పరీక్షిస్తున్నారు.