ఆర్మీ రిక్రూట్ మెంట్ లో భారీ స్కాం వెలుగు చూసింది. ప్రశ్న పత్రాల లీకేజీకి పాల్పడిన బ్రోకర్లతో పాటు, వాటిని కొనుగోలు చేసిన అభ్యర్థులను ఠాణే పోలీసులు అరెస్ట్ చేశారు. పక్కా సమాచారంతో పుణే, నాగ్ పూర్, గోవాల్లో దాడులు చేసిన పోలీస్ బృందాలు 350 మంది అభ్యర్థులతో పాటు 16 మంది నిందితులను అరెస్టు చేశాయి. ఠాణే జాయింట్ పోలీస్ కమిషనర్ అశుతోష్ దుంబారే ఈ విషయం మీడియాకు వివరించారు. ఒక్కో ప్రశ్న పత్రాన్ని 4 లక్షల రూపాయలకు అమ్మారని, దీనికోసం వాట్సప్ ను ఉపయోగించారని ఆయన వివరించారు.