షార్జా లో  సీ పోర్ట్ వద్ద ఒక పడవ కాప్టెన్ గా విధులు నిర్వహిస్తున్న ఓ భారతీయుడికి అదృష్టం లంగరు వేసి జీవితాన్ని బంగారుమయంగా మార్చివేసింది. దుబాయ్ అంతర్జాతీయ విమానాశ్రయం బి లో  ప్రజల సమక్షంలో మంగళవారం ఉదయం జరిగిన ఒక డ్రా తీయగా ఫ్రాన్సిస్ జేవియర్ అరిప్పట్టుపరాంబిల్  క్లాట్స్ అనే వ్యక్తికి లాటరీ దక్కింది. దుబాయ్ డ్యూటీ ఫ్రీ మిలీనియం మిల్లియనీర్ ప్రమోషన్ లాటరీలో  దుబాయ్ డ్యూటీ ఫ్రీ 1 మిలియన్ డాలర్ల బహుమతి  ఆయన టికెట్టుకు 238 సిరీస్ లో నెంబర్ 3133 ఆ బహుమతి వరించింది. ఆ  మొత్తాన్ని ఆయన గెల్చుకున్నారు. ఈ వార్తను విన్న ఆయన తన అదృష్టానికి మురిసిపోయాడు.తన విజయం పై వార్తను విన్న తరువాత కూడా షార్జాలో తన పనిలో నిమగ్నమై ఉన్నాడు. ఇరువురు పిల్లలకు తండ్రిగా ఉన్న 46 ఏళ్ల  క్లాట్స్ మాట్లాడుతూ , తాను ఆన్ లైన్లో టికెట్ ని కొన్నానని..ఈ బహుమతిని పొందడంతో ఈ అనుభూతిని చెప్పడానికి ఎలాంటి పదాలు లేవని తడబడ్డాడు. ఈ విజయం తనకు చాలా ఆనందంగా ఉందని ఇప్పుడు నేను నా కుటుంబంను ఇక్కడకు  తీసుకుని వస్తానని సంతోషంగా తెలిపాడు.