ప్రస్తుతం అజిత్ శిం దర్శకత్వంలో వివేగమ్ అనే సినిమా చేస్తున్నాడు. ఇందులో ఈ హీరో ఇంటర్‌పోల్‌ ఆఫీసర్‌గా నటిస్తున్నట్టు తెలుస్తుంది. వివేగమ్ చిత్రంకు సంబంధించి ఇటీవల అజిత్ లుక్ ఒకటి విడుదల చేసింది టీం. ఈ లుక్ ని చూసి అభిమానులే కాదు పలు ఇండస్ట్రీలకు చెందిన సెలబ్రిటీలు ఆశ్చ‌ర్య‌పోయారు. ఈ వయస్సులోనూ అజిత్ తన ఫిట్ నెస్ తో అందరికి పెద్ద షాకే ఇచ్చాడు. ఇక చిత్ర యూనిట్ తాజాగా మరో లుక్ విడుదల చేసింది. ఇందులో శరీరమంతా కాలిన గాయాలు, రక్తపు చారలు ఉండగా చిరిగిన బట్టలతో కనిపించాడు అజిత్. ఈ స్టిల్ ఫ్యాన్స్ లో సినిమాపై మరింత ఆసక్తిని పెంచింది. కాజల్ అగర్వాల్, అక్షరా హాసన్‌ కథానాయికలుగా నటిస్తున్న ఈ చిత్రంలో వివేక్‌ ఒబెరాయ్‌ ప్రతినాయకుడిగా నటిస్తున్నాడు.