'బాహుబలి'లో శివగామిగా సినీ ప్రేక్షకుల మనస్సుల్లో చెరగని ముద్ర వేసిన రమ్యకృష్ణ మరోసారి తన సత్తా చాటనుంది. ఈ సారి పవర్‌ఫుల్‌ పోలీస్‌ అధికారిణిగా కనిపించనుంది. అదీ సూర్య సినిమాలో! 'నరసింహ'లో నీలాంబరిగా రమ్యకృష్ణ ఎంత పొగరుగా కనిపించిందో, పోలీస్‌ అధికారిణిగా కూడా అంతే పొగరుగా కనిపించనుందని అంటున్నారు. ఈ సినిమా సెట్స్‌ మీదకు వెడితే తప్ప రమ్యకృష్ణ పాత్ర గురించిన పూర్తి వివరాలు తెలియవు. ఏమైనా రమ్యకృష్ణకు ఈ సినిమా మరో మైలురాయి అవుతుందని తమిళ తంబిలు అంటున్నారు.