అల్‌ వుకైర్‌ టెంపరరీ స్ట్రీట్‌ ఏప్రిల్‌ 7 నుంచి మూసివేయడం జరుగుతుంది. 22 కిలోమీటర్ల మెయిన్‌ క్యారేజ్‌ వే నిర్మాణ పనుల్లో భాగంగా ఈ రోడ్డు మూసివేతకు నిర్ణయం తీసుకున్నారు అధికారులు. మోటరిస్టులు, కొత్తగా నిర్మించిన ఉమ్‌ బషెర్‌ ఇంటర్‌ఛేంజ్‌ నుంచి రౌండ్‌ ఎబౌట్‌ వరకు వెళ్ళి, ఎఫ్‌ రింగ్‌ రోడ్‌ వైపుగా వెళ్ళవలసి ఉంటుందని అధికారులు సూచించారు. అల్‌ వుకైర్‌ టెంపరరీ స్ట్రీట్‌పైనుంచి వెళ్ళేవారు అధికారులు సూచించిన విధంగా డైవర్షన్లు తీసుకోవాల్సి ఉంటుంది. వాహనదారుల సౌకర్యార్థం అధికారులు డైవర్షన్ల మ్యాప్‌ని విడుదల చేశారు. అలాగే ప్రత్యామ్నాయ మార్గాల్లో ఎక్కడికక్కడ సూచికల్ని కూడా ఏర్పాటు చేయడం జరిగిందని అధికారులు తెలిపారు. కొత్తగా చేపడుతున్న నిర్మాణ పనులతో ముందు ముందు ట్రాఫిక్‌ సజావుగా ఉంటుందని అధికారులు అంచనా వేస్తున్నారు.