అమెరికాలో H4  వీసాల మీద పనిచేస్తున్న వారికి కష్టాలు తప్పేలా లేవు. హెచ్ 1 బీ వీసాలమీద అమెరికాలో పనిచేస్తున్న భారతీయుల జీవిత భాగస్వాములకు వర్క్ వీసాలైన H4 ను అమెరికా ప్రభుత్వం గతంలో ఇచ్చింది. 2015లో హెచ్ 1బీ వీసాదారుల జీవిత భాగస్వాముకు వర్క్ వీసాలను జారీచేసింది. దీంతో దాదాపు రెండు లక్షలమందికి పైగా H4  వీసాలపై అమెరికాలో వివిధ ఉద్యోగాలు చేస్తూ అక్కడే స్థిరపడ్డారు. ప్రభుత్వ  నిర్ణయాన్ని అప్పట్లోనే కాలిఫోర్నియాకు చెందిన కొందరు ఐటి ఉద్యోగులు వ్యతిరేకించి కోర్టును ఆశ్రయించారు. ఈ దావాను 2016లో కింది కోర్టు కొట్టివేయడంతో వీరు పైకోర్టులో సవాలు చేశారు. ఈ కేసుపై తమకు 60 రోజుల గడువు కావాలని ప్రభుత్వం కోరింది. అయితే ఈ గడువు సోమవారంతో ముగియనుండటంతో... విచారణను మరో ఆరు నెలల వరకు నిలిపివేయాలంటూ ట్రంప్ సర్కారు అప్పీలు కోర్టును కోరింది. ప్రభుత్వ సూచించినట్లు కోర్టు గడువు ఇవ్వకుంటే H4 వీసాలదారులకు గడ్డుకాలమే ఎదురుకానుంది.