మనామా: 11 సార్లు రెడ్‌ లైట్‌ జంపింగ్‌కి పాల్పడ్డ ఓ లారీ డ్రైవర్‌కి రెండు నెలల జైలు శిక్ష విధించింది న్యాయస్థానం. అలాగే అతన్ని డిపోర్టేషన్‌ చేయాలంటూ న్యాయమూర్తి ఆదేశాలు జారీ చేశారు. నిందితుడికి 500 బహ్రెయినీ దినార్స్‌ జరీమానాను నిర్లక్ష్యపూరిత డ్రైవింగ్‌కిగాను విధించారు. జనవరి 22న కింగ్‌ ఫైసల్‌ హైవే మీద రెడ్‌ లైట్‌ జంప్‌ చేస్తుండగా నిందితుడ్ని ట్రాఫిక్‌ కెమెరా గుర్తించింది. అతని రికార్డ్‌ని చెక్‌ చేయగా, 10 సార్లకు పైగా రెడ్‌ సిగ్నల్‌ని అతను జంప్‌ చేసినట్లు విచారణలో తేలింది. దీనికి సంబంధించి అధికారులు నిందితుడికి సమన్లు జారీ చేశారు. అయితే తానెలాంటి ఉల్లంఘనలకు పాల్పడలేదని నిందితుడు వాదిస్తూ వచ్చాడు. న్యాయస్థానంలో కేసు విచారణ సందర్భంగా నిందితుడు పాల్పడ్డ నేరాన్ని నిరూపించారు. అయితే ముందుగా అతనికి మూడు నెలల జైలు శిక్ష విధించగా, ఆ తర్వాత ఆ శిక్షను రెండు నెలలకు కుదించారు.