ఫార్ములా వన్‌ గల్ఫ్‌ ఎయిర్‌ బహ్రెయిన్‌ గ్రాండ్‌ ప్రిక్స్‌ సందర్భంగా రికార్డు సంఖ్యలో ప్రాణీకులు బహ్రెయిన్‌కి ఈ ఏడాది చేరుకున్నట్లు బహ్రెయిన్‌ ఎయిర్‌పోర్ట్‌ కంపెనీ (బిఎఎసి) వెల్లడించింది. బహ్రెయిన్‌ ఇంటర్నేషనల్‌ ఎయిర్‌పోర్ట్‌ మొత్తం 15,041 మంది ప్రయాణీకులు ఈ ఏడాది విచ్చేశారు. గత ఏడాదితో పోల్చుకుంటే ఇది 16 శాతం అధికం. బహ్రెయిన్‌లో ఫార్ములా వన్‌ రేసింగ్‌కి సంబంధించి ఇదో సరికొత్త రికార్డు అని బహ్రెయిన్‌ ఎయిర్‌పోర్ట్‌ కంపెనీ చీఫ్‌ కమర్షియల్‌ ఆఫీసర్‌ చెప్పారు. ప్రపంచ వ్యాప్తంగా వివిధ మాధ్యమాల ద్వారా 500 మిలియన్ల మంది ఈ ఫార్ములా వన్‌ రేస్‌ని తిలకించారు. ప్రత్యక్షంగా 100,000 మంది ఈ రేస్‌కి హాజరయ్యారు. కింగ్‌డమ్‌ 2030 విజన్‌లో భాగంగా చేపడ్తున్న ఇలాంటి కార్యక్రమాలతో బహ్రెయిన్‌ ఎకానమీ పెరుగుతుందని అంచనా వేస్తున్నారు.