పశ్చిమ్‌బంగలో శనివారం ఉదయం జరిగిన రోడ్డు ప్రమాదంలో మోడల్‌ సోనికా చౌహాన్‌ మృతిచెందింది. అదే కారులో వెళ్తున్న నటుడు విక్రమ్‌ ఛటర్జీ గాయపడ్డారు. వీరిద్దరూ కలిసి ప్రయాణిస్తున్న కారు ఈ తెల్లవారుజామున డివైడర్‌ను ఢీకొట్టింది. విషయం తెలుసుకున్న స్థానికులు ఘటనా స్థలికి చేరుకుని వారిని చికిత్స నిమిత్తం స్థానికంగా ఉన్న ఓ ప్రైవేటు ఆస్పత్రికి తరలించారు. అప్పటికే సోనికా మృతిచెందింది. విక్రమ్‌ స్వల్ప గాయాలతో బయటపడ్డాడు. ప్రమాదంలో కారు పూర్తిగా నుజ్జునుజ్జు అయ్యింది. విక్రమ్‌ బుల్లితెర నటుడు కాగా.. సోనికా మోడలింగ్‌తో పాటు ఓ ప్రముఖ టీవీ ఛానెల్‌లో యాంకర్‌గా పనిచేస్తోంది. ప్రమాద సమయంలో విక్రమ్‌ కారు నడుపుతున్నట్లు సమాచారం. అతి వేగానికి తోడు, కారులోని ఎయిర్‌బ్యాగులు సకాలంలో తెరుచుకోకపోవడంతో ప్రమాదానికి కారణంగా తెలుస్తోంది.