తెలుగులో హీరోతో పోటీ పడి మరీ డ్యాన్సులు, ఫైట్‌లు చేసి లేడి బాస్‌గా మంచి గుర్తింపు తెచ్చుకున్న విజయశాంతి తెలుగు సినీ పరిశ్రమలో తనకంటూ ప్రత్యేక గుర్తింపును సొంతం చేసుకుంది. లేడి ఓరియెంటెడ్‌ చిత్రాలకు పెట్టింది పేరుగా నిలిచింది. స్టార్‌ హీరోల సరసన నటించిన ఈ అమ్మడు రాజకీయ అరంగేట్రం చేసి సినిమాలకు దూరంగా ఉంటూ వస్తోంది. తాజాగా ఈ అమ్మడు మళ్లీ సినిమాల్లోకి వచ్చేందుకు రెడీ అవుతోంది. ప్రస్తుతం పలువురు దర్శకుల వద్ద కథలు కూడా వింటున్నట్టు సమాచారం. నిర్మాతలతో కలిసి చర్చలు కూడా జరుపుతుంది.
తనకు సరిపోయే కథలను ఓ వైపు వింటూనే మరోవైపు శారీరక కసరత్తులు మొదలెట్టింది. మునుపటి వలె తన స్టామినా చూపించడానికి ఇప్పటికే కసరత్తులు మొదలు పెట్టింది. శారీరక ఆరోగ్యంపై దృష్టి పెట్టిన ఈ అమ్మడు తనకు సరిపోయే కథలను ఎంపిక చేసుకుని మునుపటిలాగే వెలగాలని ఈ అమ్మడు ప్లాన్‌ చేస్తోంది. ఈ ఏడాది చివరికల్లా విజయశాంతి కొత్త చిత్రం ప్రారంభం కానుంది అని ఆమె సన్నిహితుల నుండి సమాచారం అందుతోంది.