ప్రముఖ నటుడు, డ్యాన్స్ మాస్టర్, డైరెక్టర్ రాఘవ లారెన్స్ తన తల్లి జీవించి ఉండగానే ప్రేమానురాగాలతో ఆలయం కట్టించారు. చెన్నై అంబత్తూర్‌లో తన తల్లి విగ్రహాన్ని ప్రతిష్ఠించి ఆలయాన్ని నిర్మించాడు. ఈ ఆలయాన్ని మాతృదినోత్సవం సందర్భంగా ప్రముఖ డాన్స్ డైరెక్టర్ సూపర్ సుబ్బరాయన్‌తో ప్రారంభించారు. చాలా మంది తమ తల్లులు గతించిన తర్వాత వారి పేరుపై ఏదో ఒక కార్యక్రమం చేపడుతారని, అయితే అప్పుడు ఏ కార్యక్రమాలు చేశారో వారి పేరెంట్స్‌కు తెలియదన్నారు. తాను మాత్రం తన తల్లి జీవించి ఉండగానే ఆలయం కట్టించానన్నారు. జీవితంలో ప్రతి ఒక్కరు తమ తల్లులకు ఏదో ఒక మంచి చేయాలన్నారు లారెన్స్. చాలా మంది పిల్లలు తమ తల్లిదండ్రులను అవసాన దశలో ఏదో ఒక వృద్ధాశ్రమంలో చేర్పించి, వారి బాగోగులు పట్టించుకోవడం లేదని ఆవేదన వ్యక్తం చేశారు.