బడ్జెట్ క్యారియర్‌గా పేరుతెచ్చుకున్న స్పైస్ జెట్ విమాన ప్రయాణికులకు పండగలాంటి ఆఫర్ ప్రకటించింది. రూ.12కే ప్రారంభ ధరతో టికెట్లు ఆఫర్ చేయనున్నట్టు ప్రకటించింది. పన్నులు, ఇతర సర్‌చార్జిలను మినహాయించి ఈ ఆఫర్ అమలు చేయనున్నట్టు తెలిపింది. స్పైస్‌జెట్ 12వ వార్షికోత్సవం సందర్భంగా అన్ని దేశీయ విమానాలతో పాటు విదేశీ సర్వీసులకు ఈ ఆఫర్ అమలు చేస్తున్నట్టు వెల్లడించింది.
ఈ ఆఫర్ కింద 2017 మే 23 నుంచి 28 వరకు టికెట్లు విక్రయించనున్నారు. ఈ బుకింగ్స్ ద్వారా వచ్చేనెల 26 నుంచి 2018 మార్చి 24 వరకు ప్రయాణించవచ్చు. ''ప్రతి భారతీయుడికి విమాన ప్రయాణాన్ని అందుబాటులోకి తేవాలన్న స్పైస్‌జెట్ ప్రయత్నాన్ని ఈ ఆఫర్ల ద్వారా పునుద్ఘాటిస్తున్నాం...'' అని స్పైస్ జెట్ మంగళవారం ఓ ప్రకటనలో వెల్లడించింది.
అంతేకాదు.. వార్షికోత్సవ ఆఫర్ కింద టికెట్లు బుక్‌చేసుకునే కస్టమర్లు లక్కీ డ్రా కాంటెస్ట్‌లో కూడా అర్హత పొందుతారని కంపెనీ తెలిపింది. ఈ కాంటెస్ట్‌లో లక్కీ ప్రైజ్ గెలుచుకున్న వారికి అంతర్జాతీయ విమాన టికెట్లతో పాటు, దేశీయ విమాన టికెట్లు, రూ.10 వేల విలువైన హోటల్ ఓచర్లు ఇవ్వనున్నట్టు స్సైస్‌జెట్ వెల్లడించిం