పాకీజా చిత్రంలో నటించిన బాలీవుడ్ హీరోయిన్ గీతా కపూర్ వృద్ధాప్య కష్టాలను ఎదుర్కొంటోంది. అనారోగ్య కారణంతో ఆస్పత్రిలో ఉన్న ఆమెను, కొడుకు నిర్ధాక్షణీయంగా వదిలేసి వెళ్లిపోయాడు. ముంబైలోని గోరెగావ్‌లోని ఎస్‌వీఆర్ ఆస్పత్రిలో చేర్పించాడు.  ఆస్పత్రిలో బిల్లు కట్టేందుకు ఏటీఎంనుంచి డబ్బులు తీసుకువస్తానని వెళ్లి తిరిగి రాలేదు. ఆమె పలు బాలివుడ్ చిత్రాల్లో నటించిందని తెలియడంతో ఆమెను గురించిన కథనాలు మీడియాలో వైరల్‌గా మారిపోయాయి.  అతని చర్యలను తప్పుబట్టడంతో అతను నన్ను కొట్టేవాడు.  నాలుగు రోజులకు ఒకసారి అన్నం పెట్టేవాడు.  కొన్నిసార్లు గదిలో పెట్టి బంధించాడు.  నేను వృద్ధాశ్రమానికి వెళ్లేందుకు నిరాకరించడంతోనే ఇలా చేశాడు.  అతడు ఉద్దేశపూర్వకంగా ఆకలితో మాడ్చి నేను అనారోగ్యానికి గురయ్యేలా చేశాడు.  ఆ తరువాత ఆసుపత్రిలో చేర్చి పరారయ్యాడు అని ఆమె తెలిపింది.  ఆసుపత్రి ఫీజు లక్షరూపాయలు చెల్లించి గీతాకపూర్‌ను ఇంటికి తీసుకువెళ్లమని సిబ్బంది కొడుకు రాజాకు ఎన్నిసార్లు ఫోన్ చేసినా సరైన సమాధానం రాలేదని తెలుస్తోంది.  గీతాకపూర్ కూతురు కూడా అమ్మ విషయంలో ఏమీ పట్టనట్లు వ్యవహరిస్తోంది.  వీరిపై చబ్బబద్దమైన చర్యలు  తీసుకోవాలని పోలీసులు భావిస్తున్నారు.