దుబాయ్: ' కొబ్బరి చెట్టు ఎందుకెక్కావని...పట్టుబడిన ఓ దొంగను ఊరోళ్లు నిలబెట్టి ప్రశ్నించారట , ఆ దొంగ ఏమాత్రం తడుముకోకుండా దూడకు గడ్డి కోసమని ఠకీమని చెప్పాడట...ఓహో అలాగా అని అతడ్ని వదిలిపెట్టారంట " దాదాపు అదే రీతిలో ఓ చైనా మహిళా కెమిస్టు  మాదక ద్రవ్యాలతో పట్టుబడింది..తనిఖీ అధికారులు ఇదేమి పాడు పనమ్మా అని ప్రశ్నిస్తే...ఏ మాత్రం తడుముకోకుండా  పరిశోధన కోసం పట్టుకెళుతున్నానని జవాబిచ్చింది. కానీ దుబాయ్ పోలీసులు ఊరోళ్ళ మాదిరిగా వదలలేదు...దుబాయ్ ఇంటర్నేషనల్ ఎయిర్పోర్టులో జరిగిన ఈ ఘటనలో ఆమె సామానులో483 ప్రీగాబాలిన్ మాత్రలు కలిగి ఉన్న నేరానికి ఆ చైనా కెమిస్ట్ కు  ఏడు సంవత్సరాలు జైలుశిక్ష, అనంతరం దేశ బహిష్కరణ  విధించారు. ఆదివారం దుబాయ్ కోర్టు ఆఫ్ ఫస్ట్ ఇన్స్టాప్ కోర్టు  37 ఏళ్ల చైనీస్ రసాయన శాస్త్రవేత్త 50,000 ధిర్హాం ల జరిమానా సైతం విధించింది. అక్రమ రవాణాకు తానేమీ పాల్పడటంలేదని కేవలం వాటిని శాస్త్రీయ పరిశోధన ,అభివృద్ధి ప్రయోజనాల కోసం మాత్రమే తీసుకువెళతున్నట్లు తుదివరకు వాదించారు.