ముంబైకి చెందిన మోడల్‌, నటి కృతికాచౌదరి అనుమానాస్పద స్థితిలో మృతి చెందింది. ముంబైలోని అంధేరీలో వుంటున్న ఆమె ఉన్న ఇంట్లో నుంచి దుర్వాసన రావడంతో చుట్టుపక్కలవారు పోలీసులకు సమాచారం ఇచ్చారు. పోలీసులు వెంటనే కృతిక నివాసానికి వెళ్లిచూడగా లోపల నుంచి తలుపు వేసి ఉంది.
దాంతో తలుపులు పగలగొట్టి లోపలికి వెళ్లారు. నిర్జీవంగా పడివున్న కృతిక మూడురోజుల కిందటే హత్యకు గురై ఉంటుందని పోలీసులు భావిస్తున్నారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.