అది రెండో ప్రపంచ యద్ధం నాటి పాత ఫైటర్ జెట్. ఫ్రాన్స్ లో జరిగే ఓ ఎయిర్ షో కు వచ్చింది. విన్యాసాలు చేసేందుకు సిద్ధమవుతోంది. ప్రేక్షకులంతా కళ్లు పెద్దవి చేసుకొని ఉత్కంఠతో చూస్తున్నారు. అంతలోనే ఊహించని ప్రమాదం. టేకాఫ్ సమయంలో అనుకోని ఘటన. యుద్ధ విమానం అదుపు తప్పింది. పల్టీలు కొట్టింది. పైకి ఎగరాల్సిన ఫ్లైట్.. కిందకు వాలిపోయింది. రెక్కలు నేలకు తగిలి ముక్కలయ్యాయి. 

ఊహించని ఈ ప్రమాదానికి ప్రేక్షకులు ఒక్కసారిగా ఆందోళనకు గురయ్యారు. రెక్కలు విరిగిన విమానం ఎక్కడ తమ వైపు దూసుకొస్తుందోనని హడలిపోయారు. అయితే.. ప్రమాదం జరిగిన చోటే విమానం కూలిపోవడంతో అంతా ఊపిరి పీల్చుకున్నారు. ఆ తర్వాత తేరుకొని.. యుద్ధ విన్యాసాలు చూడటానికి వచ్చిన ప్రేక్షకులంతా కలిసి ఆ ఫ్లైట్ ను పక్కకు జరిపారు.