ఇండియన్‌ కమ్యూనిటీ మెంబర్స్‌, ఖతార్‌ మరియు ఖతార్‌ నాయకత్వానికి తాము సంపూర్ణ మద్దతు తెలుపుతున్నామని దోహాలో నిర్వహించిన ఇండో ఖతార్‌ ఫ్యాషన్‌ షో ద్వారా తెలియజేశారు. 'ఖతార్‌ అవర్‌ సెకెండ్‌ హోమ్‌ - ఎ సెలబ్రేషన్‌ ఆఫ్‌ సాలిడరిటి' పేరుతో కతార్‌ నేషనల్‌ థియేటర్‌లో ఈ ఈవెంట్‌ జరిగింది. మినిస్టర్‌ ఆఫ్‌ కల్చర్‌ అండ్‌ స్పోర్ట్స్‌ సలాహ్‌ బిన్‌ ఘనిమ్‌ అల్‌ అలి ఈ కార్యక్రమాన్ని ప్రారంభించారు. ఇండియా - ఖతార్‌ మధ్య మంచి సంబంధాలున్నాయనీ, ఇలాంటి కార్యక్రమాలతో ఆ సంంధాలు మరింత బలపడ్తాయనీ, అలాగే ఖతార్‌ అభివృద్ధిలో భారతదేశానికి చెందిన ప్రజల భాగస్వామ్యం ఎంతో విలైనదని ఈ సందర్భంగా అల్‌ అలి చెప్పారు. బ్రిడ్జ్‌ ఖతార్‌ అసోసియేషన్‌, ఖతార్‌ నేషనల్‌ థియేటర్‌ ఈ కార్యక్రమాన్ని ఆర్గనైజ్‌ చేశాయి. రెండున్నర గంటలపాటు జరిగిన ఈ ఈవెంట్‌లో 120 మందికి పైగా భారతీయ కళాకారులు ఇచ్చిన పలు సాంస్కృతిక ప్రదర్శనలు ప్రధాన ఆకర్షణగా నిలిచాయి. మినిస్ట్రీ ఆఫ్‌ కల్చర్‌ అండ్‌ స్పోర్ట్స్‌ తరఫున పలువురు అధికారులు ఖతార్‌ నేషనల్‌ థియేటర్‌ ప్రముఖులు మరియు ఖతార్‌లోని ఇండియన్‌ ఆర్గనైజేషన్స్‌కి సంబంధించిన లీడర్స్‌ పెద్ద సంఖ్యలో హాజరయ్యారు.