ఓ అభిమానిగా మెగాస్టార్‌ చిరంజీవితో కలిసి సెల్ఫీ తీసుకున్నందుకు నిజామాబాద్‌ ఎంపీ కల్వకుంట కవిత ఆనందం వ్యక్తం చేశారు. పార్లమెంటులో ఉపరాష్ట్రపతి ఎన్నికల పోలింగ్‌ జరుగుతోన్న సంగతి తెలిసిందే. ఈ నేపథ్యంలో ఓటు హక్కు వినియోగించుకోవడానికి ఎంపీలు చిరంజీవి, కవిత పార్లమెంటు చేరుకున్నారు. ఈ సందర్భంగా అక్కడ చిరుతో కలిసి దిగిన సెల్ఫీని కవిత ట్విటర్‌లో పోస్ట్‌ చేశారు. పార్లమెంటులో ఉపరాష్ట్రపతి ఎన్నికలు జరుగుతున్న సమయంలో మెగాస్టార్‌ చిరంజీవితో ఫ్యాన్‌ మూమెంట్‌ అని ట్వీట్‌ చేశారు. చిరు ఈ ఫొటోలో 'ఉయ్యాలవాడ నరసింహారెడ్డి' పాత్ర కోసం సిద్ధమైన లుక్‌లో కనిపించారు. 'మహవీర్‌' అనే టైటిల్‌ను ఈ సినిమా కోసం పరిశీలిస్తున్నట్లు సమాచారం. ఈ నెలలో షూటింగ్‌ ప్రారంభం కానుంది.