ఖతార్‌: ఎమిర్‌ షేక్‌ తమిమ్‌ బిన్‌ హమాద్‌ అల్‌ థని, ఖతార్‌లో ఈక్వెడార్‌ అంబాసిడర్‌ కబాలన్‌ అబిసాబ్‌తో సమావేశమయ్యారు. ఎమిర్‌ దివాన్‌ ఆఫీస్‌లో ఈ భేటీ జరిగింది. ఈక్వెడార్‌ అంబాసిడర్‌ పదవీ కాలం ముగియనున్న నేపథ్యంలో ఎమిర్‌, ఈ సమావేశాన్ని ఏర్పాటు చేశారు. ఇరు దేశాల మధ్య సన్నిహిత సంబంధాల కోసం ఈక్వెడార్‌ అంబాసిడర్‌గా కబాలన్‌ అబిసాబ్‌ చేసిన ప్రయత్నాల్ని ఎమిర్‌ షేక్‌ కొనియాడారు. ముందు ముందు చేపట్టబోయమే పదవుల్లోనూ మరింత అనుభవాన్ని చాటాలని ఈ సందర్భంగా ఈక్వెడార్‌ అంబాసిడర్‌కి కృతజ్ఞతలు తెలిపారు ఎమిర్‌ షేక్‌. ఎమిర్‌ షేక్‌ ఇచ్చిన సూచనలు ఎంతో అమూల్యమైనవని, ఎమిర్‌ షేక్‌తో భేటీ చాలా బాగా జరిగిందని ఈక్వెడార్‌ అంబాసిడర్‌ కబాలన్‌ చెప్పారు.