కళ్యాణ్ రామ్ - తమ్మూ జంటగా 'నా నువ్వే' సినిమా తెరకెక్కుతోన్న సంగతి తెలిసిందే. జయేంద్ర దర్శకుడు. ఈ సినిమా షూటింగ్ ఆఖరు దశకు చేరుకొంది. ఐతే, ఇప్పటికే తమన్నాకు సంబంధించిన పార్ట్ పూర్తయ్యింది. ఇప్పుడీ సినిమా రిలీజ్ డేట్ ని ప్రకటించింది చిత్రబృందం. మే 18న సినిమాని ప్రేక్షకుల ముందుకు తీసుకురానున్నట్టు ప్రకటించారు.

కూల్ రొమాంటిక్ ఎంటర్టైనర్ గా తెరకెక్కనున్న చిత్రమిది. ఫెమస్ కెమెరామెన్ పిసి శ్రీరామ్ సినిమాటోగ్రాఫర్ గా వర్క్ చేస్తున్నారు. ఇప్పటికే విడుదలయిన ఈ సినిమా ఫస్ట్ లుక్ ఆకట్టుకొనేలా ఉంది.

కళ్యాణ్ చేస్తోన్న మరో సినిమా 'ఎమ్మెల్యే' జెడ్ స్వీడుతో షూటింగ్ జరుకొంటోంది. ఇదీగాక, కొత్త దర్శకుడు విజయ్ దర్శకత్వంలో కళ్యాణ్ రామ్ ఓ సినిమా చేయబోతున్నాడు. ఈ సినిమాని కూడా 'ఎమ్మెల్యే' సినిమా నిర్మాతలే నిర్మించనున్నారు.