మస్కట్:సుల్తానేట్‌ ఆఫ్‌ ఒమన్‌, 50వ నేషనల్‌ డే వేడుకలకోసం సన్నద్ధమవుతోంది. నవంబర్‌ 18న ఈ వేడుకలు జరగనున్నాయి. కరోనా నేపథ్యంలో తగిన జాగ్రత్తలు తీసుకుని, ఈ కార్యక్రమాన్ని అంగరంగ వైభవంగా నిర్వహించనున్నారు. ప్రముఖ హైవేలు, సుల్తాన్‌ కబూస్‌ స్ట్రీట్‌, మస్కట్‌ ఎక్స్‌ప్రెస్‌వేలను సర్వాంగ సుందరంగా తీర్చిదిద్దుతున్నారు. సిల్వర్‌ జూబ్లీ ఆఫ్‌ నేషనల్‌ డే కోసం ఏర్పాట్లు జరుగుతుండడం ఆనందంగా వుందని బురైమి యూనివర్సిటీ వైస్‌ ఛాన్సిలర్‌ అబూద్‌ అల్‌ సావ్‌ఫి చెప్పారు. సౌక్స్‌, డౌన్‌టౌన్‌ షాప్స్‌, రిమోట్‌ ఏరియాస్‌లోని స్మాల్‌ గ్రాసరీస్‌ రంగుల మయం అవుతున్నాయి. కాగా, షాప్‌లలో సేల్స్‌ కూడా గణనీయంగా పెరుగుతున్నట్లు తెలుస్తోంది. సుల్తాన్‌ హైతం బిన్‌ తారిక్‌ అలాగే లేట్‌ మెజెస్టీ సుల్తాన్‌ కబూస్‌ ఫొటోలతో కూడిన బ్యాడ్జీలు ఎక్కువగా అమ్ముడవుతున్నాయి.

--లెనిన్ కుమార్(మాగల్ఫ్ ప్రతినిధి,ఒమన్)