కువైట్: పిల్లలను ఆత్మహత్యలకు ప్రేరేపించేలా వీడియోలను పోస్ట్ చేస్తున్న కువైట్ వ్యక్తిని క్రిమినల్ ఇన్వెస్టిగేషన్ పోలీసులు అరెస్ట్ చేశారు. నిందితుడు తన సోషల్ మీడియాలోని అకౌంట్ ద్వారా ఏ విధంగా ఆత్మహత్య చేసుకోవచ్చో పలు వీడియోలను పోస్ట్ చేస్తుండే వాడు. ఆ వీడియోల ద్వారా పిల్లలను ఆత్మహత్యలకు పురికొల్పుతున్నట్లు నిందితుడు పలువురు క్రిమినల్ ఇన్వెస్టిగేషన్ డిపార్ట్మెంట్ కు ఫిర్యాదు చేశారు. దీంతో అలర్టైన అధికారులు వెంటనే దర్యాప్తు చేపట్టారు. అతడి సోషల్ మీడియా అకౌంట్ పై నిఘా వేసి..తమకు వచ్చిన ఫిర్యాదులు నిజమేనని నిర్ధారించారు. ఎత్తైన ప్రదేశాల నుంచి దూకటం వంటి ఆత్మహత్యల రకాలను పోస్టు చేస్తూ పిల్లలు సూసైడ్ చేసుకునేలా ప్రేరేపిస్తున్నట్లు వెల్లడించారు. దీంతో అతన్ని అరెస్ట్ చేశారు. ఈ ఘటనతో అప్రమత్తమైన అంతర్గత మంత్రిత్వ శాఖ..ఇంట్లో పిల్లలపై పెద్దలు ఓ కన్నేసి ఉంచాలని పిలుపునిచ్చారు. మొబైల్, కంప్యూటర్ ఇతరాత్రా కమ్యూనికేషన్ సాధాణాలను వాళ్లు ఉపయోగించుకుంటన్న తీరుపైనా నిఘా ఉంచాలన్నారు. పిల్లల భవిష్యత్తుతో చెలగాటమాడితే సహించబోమని..ఎవరైనా వ్యక్తులు అనుచితంగా ప్రవర్తిస్తున్నట్లు గమనిస్తే వెంటనే ఎమర్జెన్సీ ఫోన్ 112కి ఫోన్ చేసి సమాచారం అందించాలని మంత్రిత్వ శాఖ సూచించింది.