హైదరాబాద్: సౌత్ ఇండియాలోని ప్ర‌తిష్ఠాత్మ‌క బ్యాన‌ర్ల‌లో ఒక‌టైన మెగా సూప‌ర్ గుడ్ ఫిలిమ్స్ ఇటీవ‌ల ‘జాంబీ రెడ్డి’ మూవీతో సూప‌ర్ హిట్ సాధించిన యంగ్ హీరో తేజ స‌జ్జాతో ‘ఇష్క్‌` చిత్రాన్ని నిర్మిస్తోన్న విష‌యం తెలిసిందే. ‘నాట్ ఎ ల‌వ్ స్టోరీ’ అనేది ట్యాగ్‌లైన్‌. ఈ మలయాళ రీమేక్ లో ప్రియా ప్ర‌కాష్ వారియ‌ర్ హీరోయిన్‌గా నటించింది.య‌స్‌.య‌స్‌. రాజు ద‌ర్శ‌క‌త్వం వ‌హించారు. ఆర్‌.బి. చౌద‌రి స‌మ‌ర్పణ‌లో ఎన్వీ ప్ర‌సాద్‌, పార‌స్ జైన్‌, వాకాడ అంజ‌న్ కుమార్ సంయుక్తంగా దీనిని నిర్మిస్తున్నారు. కరోనా సెకెండ్ వేవ్ కారణం ఈ సినిమా విడుదల ఆ మధ్య వాయిదా పడింది. ఇప్పుడు తిరిగి థియేటర్లను తెరుస్తుండటంతో ఈ నెల 30న మూవీని విడుదల చేస్తున్నట్టు నిర్మాతలు ప్రకటించారు. మ‌హ‌తి స్వ‌ర‌సాగ‌ర్ బాణీలు స‌మ‌కూర్చిన ‘ఇష్క్’కు శ్యామ్ కె.నాయుడు సినిమాటోగ్రాఫర్!