దుబాయ్: కంపెనీలు, మరియు వినియోగదారుల కోసం ర్యాఫిల్ డ్రాలు, అలాగే, స్క్రాచ్  మరియు విన్ క్యాంపెయిన్ల నిమిత్తం కొత్త డిజిటల్ వేదికను దుబాయ్ ఎకానమీ ప్రారంభించింది. ఈ తరహా తొలి ప్రభుత్వ డిజిటల్ వేదిక ఇది. అమ్మకందార్లు, ర్యాఫిల్ డ్రాలను సమర్ధవంతంగా నిర్వహించేందుకుగాను ఈ వేదికను ప్రత్యేకంగా పలు రకాలైన సౌకర్యాలతో రూపొందించారు. వినియోగదారులు కూడా చాలా తేలిగ్గా ఈ యాప్ ద్వారా ర్యాఫిల్ డ్రాలలో పాల్గొనవచ్చు. కూపన్లు, బహుమతులు,ర్యాఫిల్ డ్రాల గురించి పూర్తి సమాచారం ఇక్కడ లభ్యమవుతుంది. ఇదే వేదిక పై నుండి విజేతలను కూడా ప్రకటిస్తారు.మెహజూజ్ మరియు దుబాయ్ డ్యూటీ ఫ్రీ ర్యాఫిల్స్ ప్రస్తుతం కొన్ని క్యాంపెయిన్లను నిర్వహిస్తున్నాయి.గూగుల్ ప్లే స్టోర్, అలాగే యాపిల్ స్టోర్ నుండి ఈ దుబాయ్ ర్యాఫిల్స్(Dubai Raffles) యాప్‌ను డౌన్ లోడ్ చేసుకోవచ్చు.