హైదరాబాద్: విలక్షణ దర్శకుడు ప్రశాంత్ వర్మ దర్శకత్వంలో వస్తున్న సినిమా ’హ‌ను మాన్‘. ఈ సినిమా నుంచి ఫ‌స్ట్ లుక్‌తో పాటు వీడియో శనివారం విడుద‌ల చేశారు. ఈ సినిమాలో తేజ సజ్జూ హీరోగా నటిస్తున్నారు. ఈ సినిమా నుంచి విడుదలైన ఫ‌స్ట్ లుక్‌ ఆకట్టుకునేవిధంగా ఉంది. ఈ సినిమాను పాన్ ఇండియా సినిమాగా విడుదల చేసేందుకు నిర్మాతలు సన్నాహాలు చేస్తున్నారు. ఈ సినిమాను  అత్యాధునిక విఎఫ్ఎక్స్ తో రూపొందిస్తున్నారు. ప్రస్తుతం ఈ సినిమా షూటింగ్ హైదరాబాద్ లో శరవేగంగా జరుగుతోంది. ఈ సినిమాను నిరంజన్ రెడ్డి నిర్మిస్తున్నారు. ఇదిలా ఉండగా అ!, క‌ల్కి, జాంబీ రెడ్డి తదితర సినిమాలతో ప్రశాంత్ వర్మ టాలీవుడ్ లో విలక్షణ దర్శకుడిగా మంచి గుర్తింపు తెచ్చుకున్నారు.