ఖతార్‌ యూనివర్సిటీలో జరిగిన 'టువార్డ్స్‌ ద స్టార్ట్‌ ఆఫ్‌ యునెస్కో, నిన్న నేడు రేపు' అనే అంశంపై యునైటెడ్‌ నేషన్స్‌ ఎడ్యుకేషనల్‌ సైంటిఫిక్‌ అండ్‌ కల్చరల్‌ ఆర్గనైజేషన్‌ (యునెస్కో) డైరెక్టర్‌ జనరల్‌ పదవికి ఖతార్‌ అభ్యర్థి అయిన డాక్టర్‌ హమాద్‌ బిన్‌ అబ్దుల్‌ అజీజ్‌ అల్‌ కవారి ప్రసంఇంచారు. ఖతార్‌ యూనివర్సిటీకి సంబంధించి 100 మంది విద్యార్థులు పలు కాలేజీల నుంచి ఈ కార్యక్రమానికి హాజరయ్యారు. ఎడ్యుకేషన్‌ అనేది ఆర్థిక అభివృద్ధిలో కీలకమైన అంశంగా యునైటెడ్‌ నేషన్స్‌ భావిస్తోందని అల్‌ కవారి చెప్పారు. కల్చరల్‌ డిప్లమసీ, ప్రపంచంలోని వివిధ దేశాల మధ్య సన్నిహిత సంబంధాలకు కీలక పాత్ర పోషిస్తుందని ఆయన వివరించారు. ఖతార్‌ యూనివర్సిటీ ఈ గొప్ప వేడుకకి వేదికయినందుకు ఆనందంగా వుందని ఆయన అన్నారు.