ప్యాన్ ఇండియా సినిమాలు చేసి బోర్ కొట్టేసినట్లుంది ప్రబాస్‌కి. దాంతో ఫామ్‌లో లేని చిన్న డైరెక్టర్ మారుతితో సినిమాకి ఓకే చేసేశాడు. మారుతితో సినిమా అంటే, ఏముంటాయ్ అన్నీ మూస కథలే. 
హీరోకి ఏదో ఒక లోపం పెట్టేసి, తద్వారా ఫన్ జనరేట్ చేయడమే మారుతి ఫార్ములా. లక్కు కలిసొచ్చింది. ఒకటీ, రెండు వర్కవుట్ అయ్యాయ్. ఆ తర్వాత నుంచి ఫెయిల్యూర్సే. అలాంటి మారుతితో ప్రబాస్ సినిమా చేయడం అంటే, ఇంతవరకూ సంపాదించుకున్న తన ఇమేజ్‌ని డ్యామేజ్ చేసుకోవడమే అంటూ మొదట్నుంచీ ఫ్యాన్స్ గగ్గోలు పెడుతూనే వున్నారు.
కానీ, ఫ్యాన్స్ మాట పెడచెవిని పెట్టేసి, ప్రబాస్, మారుతికి ఓకే చెప్పేశాడు. అంతేకాదు, సైలెంట్‌గా ఈ ప్రాజెక్ట‌ుని పూర్తి చేసేస్తున్నాడంటూ ఇన్‌సైడ్ టాక్ కూడా. తాజాగా ఈ సినిమాకి సంబంధించి మరో అప్‌డేట్ హల్‌చల్ చేస్తోంది. అదే ఈ సినిమా కథ. ఆత్మ కాన్సెప్టులో ఈ సినిమా వుంటుందని అంటున్నారు.
ప్రబాస్‌ని ఆవహించిన ఆత్మ ఏం చేసింది.? అలా ఆత్మ ఆవహించిన ప్రబాస్‌తో ఫన్ జనరేట్ చేయించడమే మారుతి టార్గెట్.. అంటూ ప్రచారం జరుగుతోంది. కొంప తీసి లారెన్స్ ‘ముని’ సినిమానో, లేక, సుధీర్ బాబు ‘ప్రేమ కథా చిత్రమ్’ సినిమానో మారుతి, ప్రబాస్‌తో మళ్లీ తీసేస్తాడా ఏంటీ.? అంటూ ఫ్యాన్స్ ఆందోళన చెందుతున్నారు. చూడాలి మరి, మారుతి ఏం చేస్తాడో.!