అక్కినేని హీరో నాగ చైతన్య కొత్త సినిమా కోసం తమిళ విలక్షణ దర్శకుడు వెంకట్ ప్రభుతో కలిసి పని చేస్తున్న సంగతి తెలిసిందే. స్టార్ కాస్టింగ్‌తో పాటూ, స్టార్ టెక్నీషియన్లు ఈ సినిమా కోసం పని చేస్తున్నారు. 
బేబమ్మ కృతి శెట్టి ఈ సినిమాలో చైతూకి జోడీగా నటిస్తోంది. హ్యాండ్సమ్ హీరో అరవింద్ స్వామి విలన్‌గా నటిస్తున్నాడు. కాగా, ఈ సినిమాకి సంబంధించి లేటెస్టుగా ఓ అప్‌డేట్ రిలీజ్ చేశారు మేకర్లు.
 ‘అతని ఆవేశాన్నీ ఏ శక్తీ ఆపలేదు..’ అనే క్యాప్షన్‌తో కూడిన ప్రీ లుక్ రిలీజ్ చేసి, చైతూ రోల్‌ని రిలీజ్ చేశారు. ‘శివ’ అనే పోలీసాఫీసర్ పాత్రలో చైతూ నటిస్తున్నాడు. చైతూ యొక్క శక్తిని పరిచయం చేసేలా వుంది ఈ ప్రీ లుక్ పోస్టర్. రేపు అనగా, నవంబర్ 23న చైతూ పుట్టినరోజు కావడంతో, ఈ సినిమాకి సంబంధించి టైటిల్, ఫస్ట్ లుక్ పోస్టర్ రిలీజ్ చేసి, చైతూకి స్పెషల్ బర్త్‌డే విషెస్ తెలపనుంది చిత్ర యూనిట్.
కాగా, ఈ సినిమాని తెలుగు, తమిళ భాషల్లో రూపొందిస్తున్నారు. బైలింగ్వల్ మూవీగా రూపొందుతోన్న ఈ సినిమా నాగ చైతన్య కెరీర్ టర్నింగ్ మూవీ అవుతుందని అంచనా వేస్తున్నారు. చూడాలి మరి.