యూఏఈ: అజ్మాన్‌లోని అల్ నుయిమియా ప్రాంతంలో రమదాన్ రెండవ రోజున కారుకింద పడి తీవ్రంగా గాయపడిన రెండేళ్ల అరబ్ పిల్లవాడు.. చికిత్స పొందుతూ సోమవారం అర్థరాత్రి మరణించాడు. అల్ నుయిమియాలోని ఒక విల్లాలో బాలుడి కుటుంబం నివాసం ఉంటుంది. అతని తండ్రి తన కారు నుండి కొన్ని వస్తువులను తెచ్చేందుకు వెళ్లాడు. అతని వెంటే బాలుడు పరుగెత్తి వెళ్లగా తండ్రి గమనించలేదు.. ఈ క్రమంలోనే ఓ అరబ్ జాతీయుడు నడిపే కారు బాలుడిని ఢీకొట్టింది. మూడు రోజుల పాటు ఆసుపత్రిలో ఉన్న తన చిన్నారి కోలుకోవాలని ప్రార్థించాలని ప్రజలను అభ్యర్థిస్తూ చిన్నారి తల్లి తన ఇన్‌స్టాగ్రామ్ పేజీలో ఓ వీడియోను పోస్ట్ చేసింది. మరణించిన అబ్బాయి ఆమెకు చిన్న సంతానం. తన కొడుకు మరణించిన విషయాన్ని కూడా ఆమెనే ఇన్‌స్టాగ్రామ్ వేదికగా వెల్లడించింది.