యూఏఈ: ఈద్ అల్ ఫితర్ 2023ను పురస్కరించుకొని పౌరులు, ప్రవాసుల కోసం అనేక కార్యక్రమాలను నిర్వహించనున్నారు. అదే విధంగా పలు ప్రత్యేక సౌకర్యాలను యూఏఈ ప్రకటించింది.  

ఫైర్ వర్క్స్

ఈద్ అల్ ఫితర్ సమీపిస్తున్న కొద్దీ  దుబాయ్ నుండి అబుధాబి వరకు, షార్జా నుండి రస్ అల్ ఖైమా వరకు.. యూఏఈ అంతటా నగరాలు వేడుకలకు సిద్ధమవుతున్నాయి. ఇప్పటికే ఎమిరేట్స్‌లోని వీధులు రంగురంగుల లైట్లతో అలంకరించారు. దుబాయ్ నివాసితులు , సందర్శకులు వివిధ ప్రదేశాలలో ఈద్ మొదటి రెండు రాత్రులలో ఫైర్ వర్క్స్ ప్రదర్శనలను తిలకించవచ్చు. ఇ&బీచ్ క్యాంటీన్ ద్వారా ప్రసిద్ధ డైనింగ్ పాప్-అప్ ఎటిసలాట్ లో రాత్రి 9 గంటలకు ఫైర్ వర్క్స్ ప్రదర్శన ప్రారంభమవుతుంది. ఏప్రిల్ 22న జేబీఆర్ వద్ద బ్లూవాటర్స్, ది బీచ్ రాత్రి 9 గంటలకు బాణసంచా ప్రదర్శనను నిర్వహిస్తాయి. దుబాయ్ పార్క్స్, రిసార్ట్స్ కూడా ఏప్రిల్ 22న రాత్రి 7 గంటలకు మరియు 9 గంటలకు ఫైర్ వర్క్స్ షోలను నిర్వహిస్తున్నారు.  అబుధాబిలో, యాస్ ద్వీపం ఈద్ మొదటి రెండు రోజులలో యస్ బే వాటర్‌ఫ్రంట్‌లో రాత్రి 9 గంటలకు బాణసంచా ప్రదర్శనలు ప్రారంభం కానున్నాయి. అలాగే అబుధాబిలోని కార్నిచ్ రోడ్ నుండి ఫైర్స్ వర్క్స్ ను ఆస్వాదించవచ్చు.

ఉచిత పార్కింగ్

ఈద్ అల్ ఫితర్ సందర్భంగా పండుగ రోజులలో నివాసితులకు ఉచిత పార్కింగ్‌ని ప్రకటించారు. కుటుంబ సమావేశాలు, విందులు, ఇతర సామాజిక కార్యక్రమాల వంటి ఈద్ ఉత్సవాల్లో పాల్గొనే నివాసితులు, సందర్శకులకు ఉచిత పార్కింగ్ ప్రయోజనం చేకూర్చనుంది. సెలవు కాలంలో షాపింగ్ మాల్స్, వినోద వేదికలు, ఇతర ప్రసిద్ధ గమ్యస్థానాలను సందర్శించే వారికి కూడా ఈ సౌకర్యం అందుబాటులో ఉంటుంది.

అమ్మకాలు, తగ్గింపులు

యూఏఈలోని కుటుంబాలు ఎంతో ఉత్సాహంతో పండుగ సీజన్‌కు సిద్ధమవుతున్నాయి. హాలిడే షాపింగ్ కోసం  దుబాయ్, షార్జా మరియు ఇతర ఎమిరేట్స్‌లోని అనేక రిటైల్ అవుట్‌లెట్‌లు స్వీట్లు, బట్టలు, ఎలక్ట్రానిక్ పరికరాలతో సహా అనేక రకాల ఉత్పత్తులపై ముందస్తు తగ్గింపులను ప్రకటించాయి.