క్రౌన్‌ ప్రిన్స్‌ ఆఫ్‌ దుబాయ్‌ మరియు చైర్మన్‌ ఆఫ్‌ దుబాయ్‌ ఎగ్జిక్యూటివ్‌ కౌన్సిల్‌ షేక్‌ హమదాన్‌ బిన్‌ మొహమ్మద్‌ బిన్‌ రషీద్‌ అల్‌ మక్తౌమ్‌, పలు సేవలకు సంబంధించి దుబాయ్‌ పోలీసులు వసూలు చేయాల్సిన ఫీజులకు ఆమోదం తెలిపారు. ఎగ్జిక్యూటివ్‌ కౌన్సిల్‌ రిజల్యూషన్‌ నెంబర్‌ 15 ఆఫ్‌ 2016ను ఆయన ఈ మేరకు జారీ చేశారు. దుబాయ్‌ పోలీసులు మరిన్ని సేవలను పౌరులకు అందించేందుకు వీలుగా ఈ రుసుములను నిర్ణయించారు. లైట్‌ మరియు హెవీ వెహికిల్స్‌, మోటర్‌ బైక్స్‌కి సంబంధించిన సర్వీసులు ఇందులో పొందుపరచబడ్డాయి. కొత్త అనుమతులు, ట్రాఫిక్‌ యాక్సిడెంట్‌ సందర్భంగా ఆ ప్రాంతాల సందర్శన వంటి వాటికీ ఫీజుల్ని వసూలు చేస్తారు. అధికారిక గెజిట్‌లో ప్రచురితమైనప్పటినుంచి కొత్త కౌన్సిల్‌ రిజల్యూషన్‌ అమల్లోకి వస్తుంది.