సినీరంగ ప్రముఖులు, వాహన యజమానుల మధ్య నెలకొన్న వివాదం సమసిపోయింది. గత మూడు రోజులుగా మంత్రి తలసాని శ్రీనివాస్‌ యాదవ్‌ సమక్షంలో జరుగుతున్న చర్చలు సఫలమయ్యాయి. డిమాండ్‌కు తగ్గట్లుగానే వాహనాలు తీసుకుని అద్దె చెల్లిస్తామని సినీప్రముఖులు స్పష్టం చేశారు. ఈ సందర్భంగా సినీ నిర్మాతల మండలి అధ్యక్షుడు సురేష్‌ బాబు మాట్లాడుతూ.. రాష్ట్ర ప్రభుత్వం సినీరంగ ప్రోత్సాహక ప్రభుత్వమన్నారు. ఇతర రాష్ట్రాల సినిమాల చిత్రీకరణలు కూడా ఇక్కడ జరుగుతున్నాయని సురేష్‌ బాబు తెలిపారు.