ప్రపంచ మార్కెట్లపై బ్రెగ్జిట్ ప్రభావం విపరీతంగా ఉంది. ఈయూలో బ్రిటన్ కొనసాగాలా? లేక బయటకు రావాలా అన్న అంశంపై నిన్న జరిగిన పోలింగ్ ఫలితాల వెల్లడి నేడు ఉదయం నుంచి ప్రారంభమైంది. ఈయూ నుంచి బ్రిటన్ బయటకు రావాలన్న అభిప్రాయాన్నే అక్కడి ప్రజలు ఎక్కువగా వ్యక్తం చేశారు. ఈ ఫలితాల వెల్లడి ప్రపంచ మార్కెట్లపై తీవ్ర ప్రభావాన్ని చూపిస్తుంది. పౌండ్ విలువ భారీగా పతనమైంది. 31 ఏళ్ల కనిష్ట స్థాయికి పౌండ్ విలువ పడిపోయింది. దేశీయ స్టాక్‌మార్కెట్లు సైతం ఒడిదుడుకులను ఎదుర్కొంటున్నాయి. సెన్సెక్స్ 1000 పాయింట్లు నష్టపోగా, నిఫ్టీ 284 పాయింట్లు నష్టపోయి ట్రేడ్‌లో కొనసాగుతున్నాయి.