విలక్షణ నటుడిగా, నిర్మాతగా, దర్శకుడిగా కోలీవుడ్, టాలీవుడ్‌లో తనకంటూ ప్రత్యేక ఇమేజ్‌ను సంపాదించుకున్నాడు ప్రముఖ యాక్టర్ ప్రకాశ్‌రాజ్. ఇప్పటికే ఉలవచారు బిర్యానీ, ధోనీ సినిమాలను తెలుగు, తమిళ భాషల్లో తెరకెక్కించి ఆడియన్స్ నుంచి మంచి మార్కులు కొట్టేసిన ప్రకాశ్‌రాజ్ తాజాగా కన్నడ మూవీని రీమేక్ చేయాలని భావిస్తున్నట్టు టాలీవుడ్ వర్గాలు వెల్లడించాయి. శాండల్‌వుడ్‌లో (కన్నడ) తెరకెక్కిన 'గోధి బన్నా సాధారణ మైకట్టు' మూవీని ప్రకాశ్‌రాజ్ తెలుగు, తమిళ భాషల్లో తెరకెక్కించాలని యోచిస్తున్నట్టు టాలీవుడ్ వర్గాల సమాచారం. రక్షిత్ శెట్టి, అనంత్‌నాగ్ కాంబినేషన్‌లో వచ్చిన ఈ మూవీని ఇటీవలే చూసిన ప్రకాశ్‌రాజ్.. సినిమా బాగా నచ్చడంతో రీమేక్ చేయాలని ఫిక్స్ అయినట్టు తెలుస్తోంది. శాండల్‌వుడ్ మూవీతో ప్రకాశ్‌రాజ్ మరో హిట్‌ను ఖాతాలో వేసుకోవాలని విష్ చేద్దాం.