కువైట్: జహ్రా, ఫర్వానియా, అహ్మదీ గవర్నరేట్‌లలో రెసిడెన్స్ అఫైర్స్ ఇన్వెస్టిగేషన్స్ జనరల్ డిపార్ట్‌మెంట్ విస్తృతమైన భద్రతా తనిఖీలు చేపట్టింది. ఈ సందర్భంగా వివిధ ఉల్లంఘనలకు పాల్పడిన 232 మంది ప్రవాసులను అరెస్ట్ చేసినట్టు అధికారులు తెలిపారు.  ఇందులో 60 మంది రెసిడెన్సీ,  వర్క్ చట్టాన్ని ఉల్లంఘించినవారు ఉండగా, 140 మంది పరారీ కేసులు, అరెస్టు వారెంట్లు జారీ అయిన 14 మంది నివాసితులు, 18 మంది ID రుజువు లేనివారు ఉన్నారని తెలిపారు. ముత్లా, జ్లీబ్ అల్-షుయౌఖ్, హసావి, ఫహాహీల్, మహబూలా ప్రాంతంలో భద్రతా ప్రచారం నిర్వహించారు. నివాస చట్టాన్ని ఉల్లంఘించే వారందరినీ అరెస్టు చేయడానికి దేశవ్యాప్తంగా భద్రతా తనిఖీలు కొనసాగుతాయని అంతర్గత మంత్రిత్వ శాఖ వెల్లడించింది.