కువైట్: ఈద్ అల్-ఫితర్ సెలవు రోజుల్లో ప్రజారోగ్య భద్రతను నిర్ధారించడానికి ఆరోగ్య మంత్రిత్వ శాఖలోని అన్ని విభాగాలు సిద్ధంగా ఉన్నాయని ప్రతినిధి డాక్టర్ అబ్దుల్లా అల్-సనద్ తెలిపారు. ఆరోగ్య మంత్రి డాక్టర్ అహ్మద్ అల్-అవది, అండర్ సెక్రటరీ డాక్టర్ అబ్దుల్ రెహమాన్ అల్ముతైరి పర్యవేక్షణతో ఈ ప్రత్యేక ప్రణాళికను రూపొందించామని ఒక ప్రకటనలో తెలిపారు.దేశంలోని పౌరులు, నివాసితుల భద్రత కోసం  సమగ్ర వైద్య సంరక్షణను అందించడానికి మంత్రిత్వ శాఖ విభాగాలు సిద్ధంగా ఉన్నాయని వివరించారు. ఈద్ సెలవుల్లో 40 శాతం వైద్య ప్రాథమిక వైద్య సంరక్షణ 24 గంటలూ పనిచేస్తుందని డాక్టర్ అల్-సనద్ తెలిపారు. దాంతోపాటు అన్ని ప్రావిన్సులలో సెలవుల్లో అర్ధరాత్రి వరకు అనేక వైద్య కేంద్రాలు తెరిచి ఉంటాయన్నారు.