మస్కట్: ఒమన్ సుల్తానేట్‌లోని కొన్ని ప్రాంతాల్లో 10-25 మి.మీ మధ్య తీవ్రతతో ఉరుములు, మెరుపులతో కూడిన భారీ వర్షాలు కురిసే అవకాశం ఉందని ఒమన్ వాతావరణ శాఖ తెలిపింది. అల్ హజర్ పర్వతాలు, దక్షిణ అల్ షర్కియా, ఉత్తర అల్ షర్కియా, మస్కట్, అల్ దఖిలియా గవర్నరేట్ల పరిసర ప్రాంతాలలో క్యుములస్ మేఘాల కదలికలు చురుకుగా ఉన్నాయని, ఉరుములు మెరుపులతో కూడిన భారీ వర్షాలు కురిసే అవకాశం ఉందని హెచ్చరించారు. ఉరుములు, మెరుపులతో కూడిన వర్షాలు కురిసే సమయాల్లో చురుకైన గాలులు ఉండవచ్చని తెలిపారు. అందరూ అప్రమత్తంగా ఉండాలని, అధికారుల సూచనలు పాటించాలని కోరారు.