సింహరాశిలో గురుడు సంచరించిన వేళ

పుణ్య నదిలో పుష్కరుండు జేర

గల గలా పారేటి గోదావరీ నదికి  

పుష్కరాలు వచ్చి పొంగి పొరలె

దివిలోని దేవతలు బ్రహ్మ దేవుని వెంట

భువిలోకి ఋషులతో బయలు దేరి

గోదావరీ నదిలో స్నాన మాడుతు మనకు

పుష్కరాల మహిమ తెలియ బరిచె

పుష్కరాల నీట స్నాన మాడిన జాలు

జన్మ జన్మల పాప కర్మలన్ని

కడిగి వేసిన పుణ్య ఫలము దక్కు నంటు  

జన సంతతికి ముక్తి దారి జూపె  

మహాదేవ వరముతో మహారాష్ట్రలో పుట్టి

పలు రాష్ట్రముల వర ప్రదాయినయ్యి

సిరుల పంటలు చాల దారి పొడుగున పంచి

దక్షిణాదిన పుణ్య గంగ అయ్యె

  . . .     నక్క భాస్కర రావు

అబుధాబి

తేదీ : 14-07-2015